Erdi Aroko giroa Arrasaten

2017/09/06
Card image cap
Aste buru honetan azoka ospatuko da gure herrian

Hainbat urteren ondoren, hilaren 9 eta 10ean, larunbata eta igandean, Erdi Aroko azoka ospatuko da berriz Arrasaten.

Aste buruan 70 salmenta postutik gora egongo dira, eta hainbat ekitaldi burutuko dira, tailerrak eta jolasak tartean.

Udalak Pegasus Mercados enpresa kontratatu du azoka antolatzeko, Jaka eta Balmasedako azoka ospetsuak antolatzen dituena alegia. Ikuskizun piroteknikoa, berriz, La Companya del Foc-ren eskutik helduko da.