Baba protagonista azaroaren 15ean egingo den bertako produktuen azokan

Azaroaren 15ean egingo da hileko hirugarren zapatuko azoka, Seber Altube plazan. Azokaren ordutegia 9:00etatik 13:30era izango da. Bertan, ezagunak ditugun ohiko saltzaileak egongo dira bertako produktuak saltzen. Erosle guztien artean Eusko Label produktu sortarekin egindako 10 otar zozketatuko dira. 

Baba dastaketa

Hilero egin ohi den moduan, sasoia aprobetxatuz, bertako produktu bat izaten da protagonista, eta, oraingoan, baba izango da. Hala, Arrasateko Oinarrizko Lanbide Heziketako sukaldaritza taldeko ikasleek babak prestatuko dituzte, eta 11:00etatik aurrera aukera egongo da horiek dastatzeko. Zehazki, Arabako pinta baba prestatuko dute, guztira 12 kilo.