Albisteak: Hirigintza
Altamirazpi-Jose Luis Iñarra kaleen eraberritze lana auzotarrekin elkarlanean landu gura du udalak
Horretarako, partaidetza prozesu bat abiaraziko du, hiru fasetan landuko dena: proiektu aukeren azterketa, iritzi bilketarako galdetegia eta bizilagunen iritzien azterketa, eta bilera bat egitea behin betiko proiektua aukeratzeko.
Garibai eta Nafarroa etorbidea, eta San Juan etxe multzoaren eta ibaiaren artean Etxaluze-Maala Ekobulebarraren eraberritze lanak aurreratuta
Dagoeneko Garibai 16aren eta errepidearen arteko tartea erabilgarri dago oinezkoentzat Aldai parketik jaisten diren eskaileratako zebra bideraino (Garibai 21). Aldi berean, Nafarroa etorbideko bus geltokia egokitzeko lanak amaitzear dira, hiri altzarien faltan
Kulturola eraikina birgaitzeko lanak 2021aren amaieran amaituko dira
Kulturola eraikinaren ondare babesaren mailak, eraikina dagoen inguruan lursail kutsatuak egoteak eta, bereziki, Covid-19ak obra garatzeko sortu dituen eragozpen teknikoek gauzatze denbora luzatzea eragin dute. Halaber, efizientzia energetikoa handitzeko asmoz, proiektuaren hasieran ezarritako teknologia eguneratu da.
Udalak eguazten honetan, otsailak 24, hasiko ditu Zalduspeko behin-behineko bus geltokia eraikitzeko lanak
Eguazten honetan, otsailak 24, hasiko ditu Zalduspeko behin-behineko bus geltokia eraikitzeko lanak
Zalduspen kokatuko da behin-behineko autobus geltokia aparkaleku guztiak mantenduz, Ekobulebarraren eraberritzea amaitu artean
Geltoki berria apirilaren 1etik aurrera jarriko da abian. 6 autobus hartzeko gaitasuna izango du eta 3 markesinez osatua egongo da. Ibilbide luzeko autobus guztiak bertan geratuko dira: Donostia, Gasteiz (zuzenekoa), Bilbo eta Loiuko aparkalekua. Gainerako linea guztiek geldialdi bat egingo dute bertan.
Alde Zaharreko Plan Berezian aurrerapausoa, Herritarren Aholku Kontseiluak baloratu ostean
24 proposamen egin dira Alde Zaharreko Plan Berezia berrikusteko, eta horietako 19rekin ados agertu da Herritarren Aholku Kontseilua; beste lau proposamenetan kontseiluak ez du iritzi bateraturik, eta ez da azaltzen ez alde, ez kontra.
Udalak lan batzuk abiatu ditu Zarugalde kalean espaloia irisgarriago egiteko
Espaloi goratua eraitsi egingo da eta Zarugalde kaleko 40 eta 42 eraikinen ataria zero sestrara jaitsiko da.
Villa Amparo inguruan eraikiko den ur parkearen gunean hasi dira Ekobulebar berriaren obrak
Eremuaren antolaketa lanak burutzen dihardute langileek: edukiontzi guneen aldaketak, zoladuraren markaketa… Hainbat zuhaitz ere moztuko dira, proiektuak landarediaren berrordenazio bat planteatzen baitu, haur eta gaztetxoen segurtasuna bermatze aldera parke berrian.
Herritarren proposamenak aztergai Alde Zaharreko Hirigintza Plana aldatzeko
Herritarren, teknikarien eta eragileen artean proposamenak jaso ondoren, Hirigintza Aholku Kontseilua, herritarrez osaturik dagoena, 24 proposamen aztertzen ari da, txertatu gura direnak hirigintza planean.
Arrasateko Udalak TAO sistema arautuko duen ordenantza onartu du
TAO sistemaren legedia eta dagozkion arau administratiboak onartu dira.
Udalak bere horretan mantenduko du San Juan etxe taldeko arkua, Ekobulebarraren proiektuan, auzotarren eskaerari erantzunez
Ekobulebarra eraberritzeko obrak 2021eko urtarrilean hasiko dira, baina San Juan etxe taldeko berrurbanizazioaren zatia ez da gauzatuko egin beharreko aldaketak egin arte, bizilagunekin urriaren 20an izandako bileran geratu bezala.
Udalak LED luminariak jarriko ditu Musakolan Erretirodunen plazako argiztapena hobetu eta jasangarriago bilakatzeko
4.000 argi puntutik 2.600 argi puntutan LED luminariak
Juan Azarmendi Musika Etxearen obrei dagokien abala bereganatzea lortu du Arrasateko Udalak, 239.777 eurokoa.
Kopuru hori bideratuko da obra eten, proiektua berriro abian jarri eta bitarte horretan eraikinean hartu behar izan diren segurtasun neurriak finantzatzeko.
Ekobulebarreko obrari 2021eko urtarrilean ekingo zaio eta 16 hilabeteko iraupena izango dute
Construcciones Moyua S.L. enpresak irabazi zuen lana burutzeko Udalak egindako lehiaketa publikoa eta aurrekontua 1.729.079,97 eurokoa da, BEZ gabe.
Arrasaten TAO sistema herritarrekin zehazten
TAO proiektua zirriborroa herritarrei azaltzeko hitzordua uztailaren 22an, arratsaldeko 18etatik 20etara, Udal areto nagusian izango da.
Trafiko aldaketak Arrasateko zabalgunean Garibai, Biteri, Gipuzkoa, Deba eta Etxetxikiak kaleen egokitzapenagatik deseskalatze egoera berrira
Kaleotan, Koronabirusaren ondoriozko konfinamendua arindu eta herritarren segurtasuna bermatze aldera, oinezkoentzako espazio berriak mugatzeko lanak egin ziren oinezkoentzako bilakatuz behin-behinekoz.
21 ur joko izango ditu Santa Barbarako ur parkeak eta uztailean zabaltzea da aurreikuspena, egoerak ahalbidetzen badu
Ur parkea gaztetxo guztiek erabili ahal dezaten, gurpil-aulkiekin bertara iritsi ahal izango da. Ur jokoen gunea eta bertako hiri-altzariak ere desgaitasunak dituzten pertsonetara egokituta daude.
Herritarrek 2020ko Partaidetzazko Aurrekontuetan proposatutako bidegorriko Komun Publikoa Elorregiko esparruan nahi du ezarri Udalak, elkarlanean
Esparru honen jabegoa hiru udalerrirena da (Arrasate, Oñati eta Bergara) eta Arrasateko Udalak hiru herrien arteko elkarlana sustatu eta komun publikoa jartzeko proposamen bateratua lantzea du helburu.
525 herritarrek hartu dute parte TAO sistema osatzeko bileretan eta dagoeneko 360 ekarpen baino gehiago jaso ditu Udalak
Udalak TAO sistemaren hasierako proposamena landu zuen eta berau herritarrekin partekatu eta beren ekarpenekin aberastuko da. 3 etapetan banatu da parte-hartze prozesua: jada jaso da herritarren iritzia bilera ezberdinetan. Guztira 7 bilera ireki gauzatu dira, ezarritako buzoietan eta online ekarpenak jasotzeaz gain. Azken aukera hau zabalik egongo da urtarrila osoan zehar
Arrasateko Udalak herritarrekin adostuko du herriko TAO sistema prozesu parte-hartzaile bat medio
Udalak TAO sistemaren hasierako proposamena landu du eta berau herritarrekin partekatu eta beren ekarpenekin aberastuko da. 3 etapetan banatu da parte-hartze prozesua: herritarren iritzia jasoko da hainbat bideren bitartez, herritarrek osatutako talde motor bat sortuko da proposamena kontsentsuatzeko, eta azkenik, proposamen definitiboa landuko da.