Jaiak

Ba al dago jaiak baino dibertigarriagoa den zerbait? Arrasateko herritarron poztasuna bizi nahi baduzu, gurekin bat egin dezakezu urtean zehar antolatzen diren jaietan parte hartuz.

Arrasateko jai nagusiak San Joanak dira. Lau-bost egunez, adin guztietarako ekintza eta ikuskizunak aurkituko dituzue herriko kale eta plaza nagusietan. Egunez zein gauez, beti izango duzue giro paregabea.

Hurrengo hitzordu nagusia, urriko lehen ostiralean dugu, Maritxu Kajoi egunean. Tradizio luzeko jaia ez izan arren, dezente errotuta dago arrasatearren eta bisitarien artean. Jendea dotore baino dotoreago jantzita ikusteko aukera izango duzue, tabernaz-taberna, txikiteoan.

Abenduan, hilaren 22an ospatzen dugu Arrasaten Santo Tomas feria edo “Santamasak”. Ospatzeko erregearen baimena zuen Euskadiko feriarik zaharrena da, 1351az geroztik antolatzen baita.

Arrasateko erdiguneaz gain, inguruneko auzoek ere jai interesgarriak ospatzen dituzte.

Jaietan beti alai

 

© Mondraberri ~ Herriko koadrilak makala jasotzen San Joan jaietanEgileak baimentzen dio soilik udalari irudia turismo webgunean erabiltzekoEgileak baimentzen dio udalari, soilik, irudia turismo webgunean erabiltzeko