error while rendering plone.header

PR-Gi 206 Murugaingo bira, dragoiaren bidetik

Ibilbide zirkular hau Murugainera doa, Arrasate, Aretxabaleta, Eskoriatza eta Aramaio herrien artean kokatua, kondairak dioenez dragoiak buztanaz egindako mandobidetik. Gailurrean daude Burdin Aroko herrixka baten aztarnak eta gerra zibileko lubakiak. Gozatu daiteke ere inguruko mendien eta herrien panoramikaz.
Ibilbide hau burutzeko bi aukera proposatzen dizkizugu, ibilbide arrunta eta lasterbidea.

Ibilbidearen profilak eta informazioa

  • Ibilbide arrunta
CC By Nc 4.0 Arrasateko udala ~ Murugain dragoiaren bidetik ibilbidearen profilaCC by nc 4.0 Arrasatekoudala ~ Murugain dragoiaren bidetik ibilbidearen MIDE
  • Lasterbidea
CC By Nc 4.0 Arrasateko udala ~ Murugain dragoiaren bidetik lasterbidearen ibilbidearen profila
CC by nc 4.0 Arrasateko udala ~ Murugain, dragoiaren bidetik lasterbidearen MIDE

Bistaratu ibilbidea Wikiloc-enDeskargatu ibilbidearen PDFa

Informazio gehigarria

Murugain (776 m): gailurrean, Arrasate eta Aramaio herrien artean kokatua, kondairak dioenez, dragoi bat bizi zen, Arrasateko herritarrak beldurtzen zituena. Gailurretik inguruko herrien eta mendien ikuspegi ederra dago.
Burdin Aroko herrixka: badirudi herrixkaren okupazioa gertatu zela Burdin Aro Betean, Araba eta Gipuzkoako mugan eta Murugaingo tontorretik gertu. Kokatuta dagoen tokia estrategikoki ona izateaz gain, leku aproposa da Burdin Aroko ekonomia aurrera eramateko. Herrixka harresitua dago, trapezio forman. Kareharrizko harri landu bakoak daude lur eremuko lapiazaren gainean egokituta eta mailakatuta, eustorma moduan. Aurkitu diren arrastoen artean daude: zeramikak (eskuz egindako 251 zati), hareharrian landutako leungailuak, eskuko errota baten zati bat eta erretako lur edo adobe puskak. Aztarnategi honek berezitasun propioa dauka, gerra zibilean harresia erabili zelako trintxera moduan; horrek kalteak ekarri zizkion.
Espainiako Gerra Zibileko lubakiak: tontorretik gertu ikusi daitezke gerra zibileko lubakien arrastoak. Horien babesean Dragoien batailoiak tiro egiten zien Molaren tropei. Errepublikaren defentsan gudariak Murugainen egon ziren 1936ko azarotik 37ko martxoaren 31ko erasora arte.
Artadi kantauriarra (Quercus ilex): klima mediterraneoari lotutako basoa itxia dugu, gorde dena gainazaleko lurzoruetako eremuetan. Horri lotuta daude klima mediterraneoko espezie tipikoak, adibidez endalaharra (Smilax aspera).

Inguruko beste aukera batzuk

CC0 Arrasateko udala. Tamaina eta kolorean hainbat aldaketa egin zaizkio irudiari eta testua gehitu. Arrasateko erdigunea Garagartza eta Gesalibar elizateekin batzen dituen mendi ibilbideari buruzko informazioa. Ibilbidea Uribarri elizatetik igarotzen da.CC0 Arrasateko udala. Irudiari tamaina aldatu zaio eta testua gehitu. Arrasateri bira ematen dion mendi ibilbideari buruzko informazioa.CC By 2.0 David Figuera. Argazkiaren data 2006/07/20, Flickr-en ikusia 2017ko azaroaren 22an https://flic.kr/p/APgXu Tamaina eta kolorean hainbat aldaketa egin zaizkio irudiari eta testua gehitu.Elgetatik Arrasatera datorren GR-Gi 121 Gipuzkoako biraren Bizkar bideari buruzko informazioa. Ibilbidea Meatzerreka, Udala, Besaide, Gesalibar eta Murugain bezalako txokoak zeharkatzen ditu.