Kaixo Kaixo Okendotik! Ate irekietan pasta goxoak egin ditugu familia giroan!
Hilabeteko azken osteguna izanik, gaurkoan ate irekietan sukaldaritza saioa egitea erabaki dugu, Okendoko ludotekan. Horretarako, ludotekako haur baten ama animatu da kokozko pasta goxoak nola egiten diren irakastera.
Behin osagai guztiak mahai gainean edukita, hauek nahasten aritu gara masa egiteko, prozesuaren pauso guztiak errespetatuz eta noski, errezetaren nondik norakoak ikasiz. Haur talde handi batek parte hartu du eta giro polita sortu da sukalde txokoko mahaiaren bueltan. Haurrak zein hezitzaileok ederki pasa dugu ludotekako amak erakutsitako prestutasunarekin, haur guztiak hartu baititugu kontuan gure pastak egiterako orduan.
Arratsalde bikaina pasa dugu sukaldatzen eta bukaeran borobil handi bat egin dugu kokozko pastak probatzeko. Oso goxoak irten zaizkigu pastak eta esperientzia hau errepikatzeko gogo handiz geratu gara guztiok.
AUPA OKENDOKO SUKALDARIAK ETA MILA ESKER AISHA!
Arrasateko Udalak tailerrak antolatu ditu gurasoentzat ‘Sexualitatea haurtzaroan eta nerabezaroan’ gaiari buruz
2 saioko 3 tailer antolatu dira, seme-alaben adin tartearen arabera banatuak.
GIBaren aurkako borrokaren munduko eguna
Urtero legez, azken 25 urtetan egin den bezala, abenduaren 1eko eguna dela eta, Sexologia Zerbitzua kalera aterako da, sexualitate osasuntsu eta zabalago bat aldarrikatzera.
Sexualitatea haurtzaroan eta nerabezaroan
Arrasateko Udal Sexologia Zerbitzuak eta Prebentzio Zerbitzuak, 0-16 urteko seme-alabak dituzten gurasoei zuzenduta sexualitatearen inguruan hainbat saio antolatu ditugu.
Abian da berriro sexologia zerbitzua
Jendaurreko arretaz gain, programazio zabala prestatu da zerbitzua bera herritarrei helarazteko eta informazioa elkarbanatzeko: lehen ekitaldia abenduaren 4an izango da, GIBaren aurkako Nazioarteko Egunaren harira
Sexologia Zerbitzuak tailerra antolatu du
GORPUTZ ARTEAN: sexualitatearen gorputza eta harremanen artea, ekainaren 8rako
Gurasoentzako saioak: ditugun jarrerak seme-alaben sexualitatearen aurrean
Honen inguruan hausnartzeko Arrasateko Udal Prebentzio Zerbitzuak eta Arrasateko Udal Sexologia Zerbitzuak, 0-18 urteko seme-alabak dituzten gurasoei zuzenduta sexualitatearen inguruan hainbat saio antolatu ditu.
Zinegoak Arrasaten
Beste urte batez, Bilboko GayLesboTrans Nazioarteko Zinema eta Arte Eszenikoen Jaialdiaren leiotxo bat izango dugu Arrasaten martxoaren 27an, ZINEGOAK Hedapena atalari esker
Tailerra: trebatze erotikoa emakumeentzat eta gizonentzat
Maiatzak 15, 22 eta 29 arratsaldeko 18:00etatik 20:00etara burutuko dira tailerrak (2 ordutako 3 saio talde bakoitzarekin), Arrasateko Udaleko Sexologia Zerbitzuak antolatuta.
Trebatze erotikoa tailerrerako plaza gehiago
Tailerrak izan duen arrakastaren aurrean, emakumezkoen bi talde egitea erabaki da
Tailerra: trebatze erotikoa emakumeentzat eta gizonentzat
Azaroak 7, 14 eta 21 arratsaldeko 18:00etatik 20:00etara burutuko dira tailerrak (2 ordutako 3 saio talde bakoitzarekin), Arrasateko Udaleko Sexologia Zerbitzuak antolatuta.
GIB-HIESaren aurka borrokaren Mundu Eguna
Datorren ostegunean, Abenduaren 1ean ospatuko da
Gurasoentzako saioak: sexualitate aske eta osasuntsua eraikitzen.
Arrasateko Udal Sexologia Zerbitzuak 0-18 urteko seme-alabak dituzten gurasoei zuzenduta sexualitatearen inguruan hainbat saio emango ditu. Izen ematea apirilaren 14ra arte dago zabalik
Hitzaldia: Zakila duten neskak, bulba duten mutilak
Asteazkenean, ekainaren 3an, Kulturateko Jokin Zaitegi gelan arratsaldeko 18:00etan eta Arrasateko Udaleko Sexologia Zerbitzuak antolatuta, transexualitatearen inguruko hitzaldia. Ulertu, sentitzeko gertu.