Literatura solasaldiak

Zer dira literatura solasaldiak

Irakurketa klub bezala ere ezagutzen diren bilerak dira. Hilero pertsona talde bat elkartzen da, aldez aurretik irakurri duten liburu baten inguruan solasean aritzeko. Moderatzaile batek eztabaidak bideratzen ditu. Orokorrean, jarduera gogobetegarria izaten da, taldeko partaideen iritziek asko aberasten dutelako norberak liburua irakurri duenean jasotako inpresioa.

Irakurketarekin gozatzen duten pertsonak etortzen dira solasaldietara, bide batez, egile eta estilo literario desberdinak ezagutu eta eleberriaz gain, beste genero batzuetara hurbilduz. Posible izanez gero, liburuen egileek solasaldietan parte hartzen dute.

Nola funtzionatzen dute

Aldez aurretik izena eman behar den doako jarduera da. Biblioteka aukeratutako liburua lortzen saiatzen da, taldekideek maileguan eraman dezaten.

Gaztelaniazko solasaldietan plaza mugatuak daude. Hemen dituzu argibideak.

Jakin ezazu solasaldietan ez duzula ahots goran irakurri beharko eta ez zaudela hitz egitera behartuta. Liburua bukatzeko astirik ez baduzu ere, solasaldietara etor zaitezke.

Liburuen inguruko informazio gehiago

>> Solasaldiak euskaraz <<

>> Solasaldiak gaztelaniaz <<

>> Solasaldiak ingelesez <<