Hiri merkataritza suspertzeko ekimenak
Helburua
Hiri merkataritza suspertzeko politikak ahalbideratzea, Arrasateko Ibaiarte Merkatarien Elkartearekin
elkarlanean.
| Orain arte egindakoa 90eko hamarkada hasieratik Arrasateko Udala eta Ibaiarte elkarlanean aritu dira hiri merkataritza indartzeko ekimenak egiten. 2009tik hona urtealdiko hitzarmenen bidez erregulatzen da lankidetza hau: Ibaiartek aurkezten dio udalari urtealdirako ekintza plan bat, kolaborazio hitzarmena sinatzen dute alde biek, eta urtealdi bukaeran likidazio ekonomikoa egiten da. Udalak Eskualdeko Merkataritza Dinamizazio Bulegoaren laguntza teknikoa jasotzen du. Bulego hori Eusko Jaurlaritzako Merkataritza Sailak jartzen du eskualde bakoitzean, merkataritzari buruzko zerbitzu teknikoa emateko. |
|
Ibaiartek parte hartzen du urtealdi bakoitzean zein proiektu garatuko diren definitzeko fasean, eta proiektu horiek egiteko planteatzen diren lan bileretan ere bai.
- 2013ko maiatzaren 13an udalak onartu zuen Ibaiarteren 2013ko ekintza plana,eta ekitaldirako lankidetza hitzarmena sinatu zuen.
- Momentu honetan Ibaiarteren 2014ko ekintza plana aztertzen ari da udalean, 2014ko lankidetza hitzarmena lotzeko.