ZERBITZUA

ZERBITZUA

Udalako Ingurumen Eskola Arrasateko Udalak kudeatzen du eta 1991. urteaz geroztik dihardu lanean helburu nagusi batekin: etorkizun justu, osasuntsu eta jasangarri bat eraikitzea.

Horretarako, ingurumena ezagutzen laguntzen diegu Arrasateko eta beste herri batzuetako ikasleei, naturarekiko jarrera positiboak bultzatzen eta konponbideak erakusten ingurumen arazoez jabetzeko.

 

Ekintza askotan hartzen dugu parte ingurumen programak antolatu, diseinatu eta eskaintzen. Bai Arrasateko ikasleekin, Eskolako Agenda 2030 proiektuaren bitartez, bai Debagoieneko ikasleekin, Debagoieneko Mankomunitatearekin batera gauzatzen dugun Hondakinen Kanpainaren bitartez, eta baita ere urrutiagoko ikasle taldeekin, eskolan egiten dituzten egonaldi luzeen bitartez. 

Gure lanaren berri izan nahi baduzu, albiste honetan ikus dezakezu.

Ingurumen eskolaren material didaktikoa edo bestelako materialak maileguan uzteko aukera ematen dugu eta ikastetxeak ez diren talde antolatuek ere aukera daukate Udalako Ingurumen Eskola erabiltzeko. 

 

Instalazioak:

Eskola Arrasateko Udala beheko auzoan kokatzen da, elizatik doazen eskailerak jeitsita. Inguruan berdegunea eta jolasteko espazioa dauka, baita frontoi txiki bat ere. Eraikina bi solairutan banauta dago, behe solairuan daukagu laborategi txiki bat, eta gela handi bat ikasgela eta jangela bezala erabili daitekeena. Sukaldea eta bi komun ere badaude. Goiko solairuan, berriz, bi komun ditugu dutxekin hornituak eta bi logela, bata txikia, literetan jarritako 10 ohekin eta bestea handiagoa, literetan jarritako 18 ohekin. Beraz, guztira 28 ohe ditugu eta aukeran beste 8 ohe gehitzeko. Auzo alkatearen bulegoa eta eskolako langileena ere bertan dago. 

Ingurumen Eskola.jpeg  Udala behekoa.jpg  

Udalako frontoia.JPG  berdegunea.jpeg

ikasgela.jpeg  logela handia.jpeg

 

Non eta noiz gauden: 

Helbidea: Udala auzoa z/g

Telefonoa: 943770488

Posta elektronikoa: 

Bulegoko ordutegia: 8:00-15:00

 

Nola iritsi: 


 

Tarifak:

 

2022/2023 (eguneko/pertsonako)

Herrikoak ez diren Ikastetxeentzako egonaldiak 7.7 €

Herriko ikastetxeentzako egonaldiak (Hezkuntza zerbitzurako eta alojamendurako %50eko hobaria)

3.85 €
Beste talde batzuk (ikastetxeak ez diren talde antolatuak) 8.75 €

 

Zerbitzu gutuna