ZERBITZUA

Udalako Ingurumen Eskola Arrasateko Udalak kudeatzen du eta 1991. urteaz geroztik dihardu lanean helburu nagusi batekin: etorkizun justu, osasuntsu eta jasangarri bat eraikitzea. Horretarako, ingurumena ezagutzen laguntzen diegu Arrasateko eta beste herri batzuetako ikasleei, naturarekiko jarrera positiboak bultzatzen eta konponbideak erakusten ingurumen arazoez jabetzeko.

Ekintza askotan hartzen dugu parte ingurumen programak antolatu, diseinatu eta eskaintzen. Bai Arrasateko ikasleekin, Eskolako Agenda 2030 proiektuaren bitartez, bai Debagoieneko ikasleekin, Debagoieneko Mankomunitatearekin batera gauzatzen dugun Hondakinen Kanpainaren bitartez, eta baita ere urrutiagoko ikasle taldeekin, eskolan egiten dituzten egonaldi luzeen bitartez. Beste Udal zerbitzuekin batera hainbat egitasmotan barte hartzen dugu elkarlanean.

Ingurumen eskolaren material didaktikoa edo bestelako materialak maileguan uzteko aukera ematen dugu eta ikastetxeak ez diren talde antolatuek ere aukera daukate Udalako Ingurumen Eskola erabiltzeko.

Helbidea: Udala auzoa z/g

Telefonoa: 943770488

Posta elektronikoa: ieskola@arrasate.eus

Bulegoko ordutegia: 8:00-15:00

Zerbitzu gutuna

Nola iritsi:

Tarifak

2019/2020 (eguneko/pertsonako)
Herrikoak ez diren Ikastetxeentzako egonaldiak	7.7 €
Herriko ikastetxeentzako egonaldiak (Hezkuntza zerbitzurako eta alojamendurako %50eko hobaria)	3.85 €
Beste talde batzuk (ikastetxeak ez diren talde antolatuak)	8.75 €