GOGOZ HASI DUGU IKASTURTEA USAETXEN!!
2021/09/30
Kaixo kaixo Usaetxetik,
Irailarekin batera ikasturte berria gogo handiz hasi dugu Usaetxen. Irekierarekin batera haur ugari hurbildu zaizkigu eta arratsaldeak giro onean igaro ditugu.
Aurten gainera aldaketekin hasi dugu ikasturtea. Ekainean Andoniri agur esan genion eta Irunerekin batera Garazi eta Itsaso batu zaizkigu irailean lantaldera, ONGI ETORRI!
Erabiltzaile berriak heldu direnez eta iazkoei arauak bergogoratzeko asanblada egin dugu.
Hasiera honetan ez dugu aspertzeko denborarik izan eta ekintza asko egiteko aukera izan dugu. Ludotekaren barrualdean eskulanak egiten, mahai jolasetan, ipuin txokoan, eraikuntzak egiten, sukaldean... aritu gara.
Baina nola ez, Usaetxen kanpo espazio ederra dago eta eguraldia lagun ez dugu irten eta bertan ondo pasatzeko aukera galdu.
Tresnak eta katiuskak hartu eta fin ibili gara lurra mugitzen eta lokatz artean zipristintzen.
Patinetan ere artista galantak eginda daude.
Ziburuan, salto saltoka eta beste zenbait jolasetan ere ederki pasatzen dugu.
Gogoratu bihar, Urriak 1, ate irekiak amaitu eta astelehenetik aurrera, Urriak 4, ludotekarako sarrera izena emanda daudenak bakarrik izango dutela. Animatu, zuen zain gaude eta!