Musikaz dantzan

2019/06/07
Santamaina ikasturte amaieran ere indartsu dago ekintza ugari aurrera eramateko gogoz.

Kaixo Kaixo Santamainatik

Ikasturtea amitzear dagoen honetan Santamainan inoiz baino parte hartzaileago gaude. Haurrek ideia ugari partekatzen dituzte gurekin, eta ludoteketatik aukera ematen diegu ideia horiek gauzatu eta egi bihurtzeko.

Ate irekiak izan ziren astean Santamainako ludoteka musikaz alaitu genuen. Material birziklatua erabiliz, haur bakoitzak bere gustoko instrumentua sortzeko aukera izan zuen, eta amaitzeko kontzertu bat eskaini zuten.

WhatsApp Image 2019 06 04 at 16.12.13 (5)

Aste honetan haur batek etxean sortutako altxorraren mapa ekarri digu, bertan ludotekako txoko ezberdinak azaltzen zirelarik. Bere asmoa erabiltzaile guztientzat altxorraren bila antolatzea zen... Proposatu eta egi bihurtu! Hezitzaile baten laguntzaz jolasa osatu eta amaitzeko guztiok batera jolastu genuen. Hezitzaileak asko poztu ginen haurrak gurekin batera partekatu baitzuen bere ilusioa.

IMG 20190605 185008 1[1]  IMG 20190605 190128[1]

Gure ortuko proiektuarekin ere aurrera jarraitzen dugu, eta aurrekoan tomate eta kalabazinak landatu genituen. Ea zer irtetzen den bertatik!

WhatsApp Image 2019 06 04 at 16.12.12 (1)

Ikasturte amaierako jaialdia ere ate joka dugu, eta jadanik hasi gara haurrekin batera aurrera eramango diren ekintzak adosten eta prestatzen.

Txalapartariak musika egiten