GOGOZ HASI DUGU URTEA USAETXEN!!

Kaixo kaixo Usaetxetik!

Urte berri hau jolasean hasi dugu Usaetxeko ludotekan, ilusioz eta gogo handiz gaude aisialdiaz gozatzen jarraitu ahal izateko. Urteari amaiera polita eman ostean, bazkide guztiak mantentzeaz gain, bazkide berri batzuk ere gerturatu dira gurera.

Funtzionamendu berdinarekin jarraitzen dugu baina material berriaz gozatzeko aukerarekin, izan ere, Olentzero ludotekatik pasa da gure eskariei erantzuna emateko. Haurrak oso pozik daude jolas berriekin eta asko disfrutatzen ari gara sortzen diren dinamika berriekin.

Bukatzeko, ludotekara gerturatzera animatzen zaituztegu, oraindik aukera baitago izena emateko. Jolasean oinarritutako euskarazko aisialdiaz gozatu nahi baduzue, beso zabalik egongo gara zuei itxaroten.

Animatu eta etorri arratsaldeetaz gozatzera!!