Arrasate pasealekua trafikoari itxita egongo da ostegunean, apirilak 30, asfaltatze lanak direla eta

Datorren ostegunean, apirilak 30, Arrasate pasealekuko 17. zenbakiaren parean asfaltatze lanak egingo ditu Udalak. Lan hauek goizean zehar burutuko dira, betiere eguraldiak horretarako aukera ematen badu.

Lan horiek irauten duten bitartean, Arrasate pasealekua trafikoarentzako itxita egongo da eta aldaketa hauek egongo dira zirkulazioan:

• Sarrera mugatua: Arizmendiarrieta plaza ondoko errotondan Zerkaosteta kalerantz pasoa debekatzen duen seinale bat jarriko da. Arrasate pasealekuko garajeetara doazen ibilgailuek bakarrik izango dute baimena bertatik igarotzeko.
• Irteera derrigorrezkoa: Alde zaharretik Arrasate pasealekura irteten diren ibilgailuek Zerkaosteta aldera jo beharko dute derrigorrez kalea itxita dagoen bitartean.
• Hondakinen bilketa: Era berean, eremuan dauden zabor edukiontziei buruzko oharra eman da, lanek horietan ere eragina izan dezaketelako.

Herritarrei aldez aurretik eskertzen zaie ulermena eta lankidetza, eragozpenak ahalik eta txikienak izan daitezen eta lanak aurreikusitako epean amaitu ahal izateko.