Arrasateko aniztasun mahaiak 2026ko “aniztasunaren hilabetea” aurkeztu du, eskubideen defentsa eta elkarbizitza ardatz hartuta

Arrasateko Aniztasun Mahaia osatzen duten eragileek “Aniztasunaren Hilabetea 2026” egitaraua aurkeztu dute. Ekimen honen helburu nagusia herriko kultur aniztasuna ikusaraztea, aberastasun horren erakusleiho izatea eta aniztasunaren aitortza zein errespetua sustatzea da.

Ospakizun hau maiatzaren 21ean ospatzen den “Elkarrizketarako eta Garapenerako Kultur Aniztasunaren Munduko Eguna”-ren testuinguruan kokatzen da. Aurten ere, jai giroaz gain, aldarrikapenak toki garrantzitsua izango du; izan ere, Mahaiak gogorarazi nahi du eskubideak ez direla modu berean bermatzen pertsona guztientzat. Hori dela eta, justizia soziala aldarrikatzeko elkarretaratzea egingo da maiatzaren 21ean, 11:00etan, Herriko Plazan, “Oinarrizko bizi eskubideen defentsan Aniztasuna erdigunean” lelopean.

Lankidetza zabala eta egitarau oparoa

Aniztasun Mahaia osatzen duten eragile ugarik urte osoan zehar egindako lanaren fruitua da aurkeztutako programa. Maiatzean zehar, herritar guztiei zuzendutako jarduerak antolatu dira bizikidetza bidezkoago bat eraikitzeko asmoz:

• Maiatzak 8: BIZIPOZ EGUNA
  • Ordua eta lekua: 17:00etan, Biteri Plazan.
  • Ekintza: Bizipoza photocall-a eta informazio puntua.
  • Antolatzailea: Txatxilipurdi Elkartea.
• Maiatzak 9: KULTUR ANIZTASUN JAIA
  • Ordua eta lekua: 11:30etik aurrera, Erguineko eskolan.
  • Antolatzailea: Arrasate Herri Eskola Guraso Elkartea.
• Maiatzak 10: FRONTE POLISARIOAREN SORRERAREN URTEURRENA
  • Ordua eta lekua: 16:00etatik 20:00etara, Biteri Plazan.
  • Antolatzailea: Arrasateko Saharar Komunitatearen Kultur Elkartea (ASKKE).
• Maiatzak 10: BIZILAGUNAK
  • Ekintza: Bazkaria etxean edo parkean ("Ezagutzea elikatzen").
  • Antolatzailea: Gipuzkoako SOS Arrazakeria.
• Maiatzak 11 eta 13: ARRASATEN NIK KONTATZEN DUT
  • Ordua eta lekua: 11:00etatik 13:00etara.
    • Maiatzak 11: Biblioteka kanpoan.
    • Maiatzak 13: BAZeko sarreran.
  • Antolatzaileak: AMS eta Garagune Arrasate.
• Maiatzak 18-22: ANIZTASUNEAN JOLASTEN
  • Ordua eta lekua: Goizetan zehar, ikastolako jolastokietan.
  • Antolatzailea: Arizmendi Ikastola.
• Maiatzak 20: IPUIN KONTAKETA: "ZORIONTSU IZATEKO GAKOA"
  • Ordua eta lekua: 18:00etan, Udalpe Plazan.
  • Antolatzaileak: Arrasateko Udala eta Ekin Emakumeak Elkartea.
• Maiatzak 21: MUGARIK GABE LEHIAKETA
  • Hartzaileak: LH5 eta LH6 mailako ikasleentzat.
  • Antolatzailea: Amerika Elkartea.
• Maiatzak 21: ANIZTASUNAREN EGUNA (Herriko Plazan)
  • 10:00 - 13:00: Aniztasunaren Azoka.
  • 11:00etan: Elkarretaratzea ("Oinarrizko bizi eskubideen defentsan Aniztasuna erdigunean" lelopean).
  • 11:30ean: "Mugarik Gabe" lehiaketako lanen aurkezpena.
  • 12:30ean: "Tratu Onen Arpillera Ibiltaria"-ren aurkezpena.
  • Antolatzailea: Aniztasun Mahaia.
• Maiatzak 22: AUZOKO ELKARRIZKETAK
  • Ordua eta lekua: 17:00etan, Kulturateko Jokin Zaitegi aretoan.
  • Antolatzailea: Ekin Emakumeak Elkartea.
• Maiatzak 28: BIZIPOZ TAILERRA: "ZER DA ANIZTASUNA?"
  • Hartzaileak: LH3 eta LH4 mailako ikasleekin.
  • Antolatzailea: Txatxilipurdi Elkartea.

Arrasateko Aniztasun Mahaiak herritar oro gonbidatu nahi du ekintza hauetan parte hartzera, aniztasuna ez dadin soilik ospakizun bat izan, baizik eta gizarte kontzienteago eta bidezkoago baten oinarria.