Musakolako zuhaitza kenduko da gaur, tamaina handiak ondoko etxebizitzari kalte egitea ekiditeko
2026/02/09
Musakolan kokatutako zuhaitz bat kentzea erabaki da, azken urteotan hartu duen tamainagatik ondoko etxebizitzan kalteak eragiten ari baita. Erabakia dagokion txosten teknikoan oinarrituta hartu da.
Aipatutako txostenak jasotzen duenez, bizilagunen idatzizko eskaera jaso ondoren aztertu da egoera, eta egiaztatu da zuhaitzaren sustraiek eta egiturak eraikinean eragin zuzena dutela. Halaber, adierazten da zuhaitzaren egoerak urteekin okerrera egingo duela, eta horrek arrisku handiagoa sor dezakeela bai etxebizitzarentzat bai inguruko segurtasunarentzat. Erabakia batzordean aztertu eta adostasunez hartu da, herritarren segurtasuna eta ondasunen babesa lehenetsiz.
Zuhaitza kendu ondoren, eremua atondu egingo da eta berdegunea egokituko da, ingurunea zainduz eta auzoaren arnasguneak hobetzen jarraitzeko helburuarekin.