Adi beroarekin: Tenperatura altuen aurreko aholkuak.

Horregatik, Arrasateko Udalak aholku batzuk gogorarazi nahi dizkie herritarrei, bero-bolada horri aurre egiteko eta, horrela, osasun-larrialdi bihur daitezkeen egoerak prebenitzeko baliagarriak izan daitezkeenak, batez ere adineko pertsonen, patologia kronikoak dituzten pertsonen eta haurtxoen artean:

• Eguerdiko orduetan eguzkitan ez egotea. Ez jarri inoiz zuzenean eguzkitan 6 hilabete baino gutxiagoko haurtxoak.
• Behar bezala hidratatzea, maiz ur freskoa edanez, egarri izan arte itxaron gabe.
• Arropa arina, zabala eta izerditzen uzten dutena erabili.
• Saihestu jarduera fisiko bizia egitea tenperatura altuko aldietan, eta batez ere bero handieneko orduetan.
• Etxean, leihoak eta pertsianak itxita eduki tenperatura altua denean.
• Bero handia nabaritzen bada, hartu dutxak edo ur hotzeko bainuak, edo freskatu gorputza, batez ere aurpegia eta eskuak, ur freskoarekin eta oihal edo belaki bustiekin.
• Etxea freskatzerik ez badago, leku fresko batean (aire girotua duen eraikin publiko batean) eguneko 2 ordutik 3ra pasatzea. Udal Liburutegia (Kulturate) eta Etxaluze, Usaetxe eta Zigarrolako Adinekoen Zentroak aterpe klimatikoak dira: bero-boladetan babesleku diren guneak. Kanpoko espazio itzaltsuak (Monterron eta Santa Barbara parkeak) ere babesleku izan daitezke.
• INOIZ EZ utzi inor aparkatuta eta itxita dagoen ibilgailu batean, nahiz eta itzalpean egon.
• Adineko pertsonek, batez ere bakarrik bizi direnek edo mendekotasuna dutenek, babes-neurriak hartzeko zailtasunak izan ditzakete; beraz, komeni da gutxienez egunean behin bisitatzea.
• Osasun Zentroari kontsultatu tenperatura altuekin lotutako sintomak (ahultasuna, nekea, zorabioak, goragalea, ikusmen lausoa, zorabioa...), ordubete baino gehiago luzatzen badira.
• Larrialdiren bat izanez gero, deitu 112

Agiri honetan ere ikusi ditzakezu beroaren aurkako gomendio orokorrak hemen klik eginez.