Udalak Deba eta Aramaio errekak garbitu ditu

2021/02/23
Arrasateko Udalak Deba eta Aramaio erreken ubidean eta ertzetan pilatzen den zaborra batu eta jaso du, eta bertako zuhaixkak eta zuhaitzak mantendu

Zehazki, hori guztia ewgin du Deba errekan, Etxaluzetik San Isidro Elizaren tartean, eta Aramaio errekan, Maalako zubitik Mankomunitateko eraikinaren tartean.

80 zabor poltsa handi bete dira, batez ere plastiko hondakina. Baita ere, egur eta burdin zatiak jaso dira. Urte sasoi honetan erreka hazita dator eta aurrerago egingo da garbiketa sakonago bat ubideko zaborra ateratzeko, beti ere langileen segurtasuna bermatuta. 

7 udal langilek egin dute lana, Lanbideren laguntzarekin kontratatuak, 2020/21 Enplegu Planaren barruan.