Emakume Txokoan zabalik da ikasturte berrirako matrikulazioa
2012/01/25
Ikastaroak eta tailerrak emakumeei zuzenduta badaude ere bestelako ekimenak (hitzaldiak, antzerki emanaldiak…) gizonei eta emakumeei zuzenduta daude….
Ikasturte honetarako antolatu ditugun antzerki emanaldi, bideo forum, erakusketa eta antolatuko diren gainontzeko ekimenekin, guztion inplikazioa eta parte hartzea bilatu nahi dugu emakumeen eta gizonen arteko berdintasunaren aldeko lanean aurrera egiteko.
Jabetze Eskola modura antolatu ditugun ikastaroen bitartez emakumeok jendartean hainbat esparrutan bizi dugun egoerari erreparatuko diogu eta aldi berean norberaren garapenari arreta jarriko diogu, lan pertsonala eta kolektiboa eginez.
Horrela lortuko dugu geure eskubideez jabetzea, baliatzea eta pertsona zein talde bezala indartzea eta, horrekin batera, jendarteko esparru guztietan dugun parte hartzea handitzea.
Edozein zalantza edo argibideetarako jar zaitez harremanetan gurekin:
- Astelehenetik ostegunera: goizetan 11:00-13:30 eta arratsaldez 15:00-19:00
- Ostiraletan: goizetan 10:00-14:00