Euskal Herriko mintegietan hazitako zuhaitz landareen feria Arrasaten
2014/02/06
Oraindik duela sei urte Zaldibarko frontoian aukera izaten zen Euskal Herriko mintegietan hazitako landareak erosteko. Neguko hilabeteetan, astearte eta ostegunero etortzen ziren baserritarrak zuhaitz feriara.
Gaur egun, ohitura zahar hura itzalita dago eta Udaleko ingurumen sailetik berreskuratzea gura dugu. Horretarako, lehen saiakera datorren otsailaren 15ean egingo dugu, baserritarrei kalitatezko landarea erosteko aukera emanez. Izan ere, etorriko diren sei zuhaitz mintegiak hemengo lurrari lotuta daude eta ez dira kanpoko mintegi handien banatzaileak.
Honako zuhaitz mintegiak izango dira Arrasaten, otsailaren 15ean: (Nahi izanez gero, eskaerak feria aurretik telefonoz egin ahal zaizkie).
| MINTEGIA | HERRIA | LANDARE MOTA | TELEFONOA |
|---|---|---|---|
| Etxeberria mintegiak | Gatika (Bizkaia) | Fruta arbolak | Itziar Etxebarria: 646514154 |
| Urkizu mintegiak | Anoeta (Gipuzkoa) | Fruta arbolak, koniferoak eta basoko landare autoktonoa, | Jose Ramon Urkizu: 943694188 |
| Lurberri mintegi ekologikoa | Zarautz (Gipuzkoa) | Basoko fruitu txikiak | Ruben Sabalza: 657719685 |
| Artadi mintegia | Igorre (Bizkaia) | Basoko landare autoktonoa | Geert Guido Rods: 680937875 |
| Areitio mintegia | Zaldibar (Bizkaia) | Fruta arbolak, koniferoak, basoko landare autoktonoak eta lorategietakoak. | Junkal Areitio: 608879352 |
| Belar mintegia | Zaldibar (Bizkaia) | Fruta arbolak, koniferoak, basoko landare autoktonoak eta lorategietakoak. | Joseba Belar: 629484151 |
Ekimen honekin lehen sektoreari beste bultzadatxo bat eman gura diogu eta, apurka-apurka, bailaran zuhaitz azoken egutegi bat ezarri nahiko genuke. Momentuz, lehena hemen izango da, Arrasateko baserritarren hileko 3. asteko azokan.
Espero dugu giro ona sortzea, debagoiendarrek Arrasateko baserriko produktuen azokaz eta zuhaitz feriaz gozatzea.