Familian jolasean

2021/01/07
Aurten ere Udaleko Gazteria sailak Familian Jolasean ekimena abiatuko du. Ekimenaren helburuetako bat da familiei aukera eta guneak eskaintzea gurasoen eta seme-alaben arteko harremanez era ludikoan gozatzeko.

Aukera ederra da familia ezberdinak elkar ezagutzeko eta EUSKARAZ elkarrekin jolasteko, aniztasuna kontuan hartuta eta euskararen transmisioaren garrantzia azpimarratuta. Asmoa da neguko domeketan espazioa, denbora eta hitzordua eskaintzea familiei elkarrekin partekatzeko jolasa eta kalitateko aisialdi hezitzailea.

Uste dugu aukera dagoela, segurtasun neurriak hartuta, ekimenarekin aurrera egiteko. Horrela, segurtasun protokoloak ezarri dira, eta uneoro aforoa neurtzeko bideak jarriko dira, ekintza guztiak modu seguruan garatu ahal izateko. Bi hezitzaileen laguntza egongo da, familiek behar duten informazioa eta aholkuak emateko.

Domekero izango da hitzordua, urtarrilaren 10ean hasi eta martxoaren 28ra bitartean, 12 saio guztira. Okendoko ludotekan izango da.

Familien parte hartzea bilatu nahi dugu, proposamenak egin eta gauzatu ditzaten, betiere hezitzaileekin batera.

Beraz, 0-8 urte arteko haurrak dituzten familiei gonbita egiten diegu domeka arratsaldeetan elkarrekin jolasteko.

 

Hitzorduak,

FAMILIAN JOLASEAN. 0-8 urte arteko haurrak dituzten familiak

Eguna: domeka

Ordua: 17:30-19:30

Egutegia:

urtarrilak 10, 17, 24, 31        

otsailak 7, 14, 21, 28

martxoak 7, 14, 21, 28

Lekua: Okendoko ludoteka