Musakolako Erretirodunen Plazako argiztapena hobetu eta jasangarriago bilakatzeko LED luminariak ezarriko ditu Udalak
2020/10/06
4.000 argi puntutatik 2.600 LED luminariak dira jada
Arrasateko Udalak Erretirodunen Plazako argiztapena hobetuko du. Honela, Energia Dibertsifikatu eta Aurrezteko 2. Planaren (IDAE) baitan ezarritako argiteria osatuko da: 10 m-ko farola bat ordeztu eta bertan 4 proiektore ipiniko dira. Muntaia Udal lantaldeak egingo du. Aurrekontua 6.025,80 eurokoa da (BEZ barne).
Egun, Arrasaten dauden 4.000 argi puntutatik 2.600 LED luminariak dira jada. Led luminariek energia aurreztea ekarri dute, gainerako bonbillen aldean kontsumoa % 88 txikiagoa da, eta beren bizitza luzeagoa da (ohikoek baino hiru aldiz gehiago). Gainera, argiztapenak hobera egin du.
Albiste erlazionatuak
Hirigintza
- Udalak bere horretan mantenduko du San Juan etxe taldeko arkua, Ekobulebarraren proiektuan, auzotarren eskaerari erantzunez 2020/10/28
- Juan Azarmendi Musika Etxearen obrei dagokien abala bereganatzea lortu du Arrasateko Udalak, 239.777 eurokoa. 2020/10/02
- Ekobulebarreko obrari 2021eko urtarrilean ekingo zaio eta 16 hilabeteko iraupena izango dute 2020/09/25