Santamainako "Hontzazoka" azaroaren 28an egingo da, auzoko bizitza suspertzeko

2026/11/19
Santamaina auzoak Hontzazoka hartuko du azaroaren 28an, auzokideen arteko harremanak sustatu eta auzoko kale-bizitza dinamizatzeko helburuarekin.
Santamainako "Hontzazoka" azaroaren 28an egingo da, auzoko bizitza suspertzeko

Eguneko egitarauaren barruan, bigarren eskuko eta artisau azoka egingo da Agerre plazan, 10:00etatik 16:00etara. Arratsaldean, berriz, 17:30ean, gaztaina erreak banatuko dira.

Ekimenaren helburua auzoa biziberritzea, kaleak elkargune bihurtzea eta auzokideen arteko harremanak indartzea da. Horretarako, espazio publikoa topaketarako eta komunitate-bizitza sustatzeko gune gisa aldarrikatu nahi da.