TREBA egitaraua Arrasaten: ongizate emozionala ardatz

2025/10/06

Gipuzkoako Foru Aldundiak eta udalek elkarlanean sustatutako TREBA prestakuntza egitaraua Arrasatera iritsiko da berriz aurten. Programa hau nerabeei, gazteei eta gurasoei zuzenduta dago, eta helburu nagusia da ongizatea, garapen pertsonala eta gaitasun hezitzaileak indartzea, belaunaldi ezberdinen behar eta erronkei erantzunez.

TREBA programaren bidez, honako arlo hauek lantzen dira:

TREBA nerabeak: nerabeen bizi-kalitatea eta aukerak hobetzea, euren errealitate eta beharretara egokitutako saioen bidez.
TREBA gazteak: ahalduntze prozesua sustatzea, garapenerako eta hazkunde pertsonal zein kolektiborako espazioak eskainiz.
TREBA gurasoak: hezkuntza-gaitasunak indartuz, seme-alaben bizi kalitatea eta ongizatea hobetzea.

6 saio ongizate emozionala lantzeko

Aurten, ongizate emozionala izango da Arrasateko edizioaren ardatza. Horretarako, honako saio hauek antolatu dira:

Gaia	Emalea	Data / Lekua
TREBA nerabeak
Ongizate emozionala. Kuadrilen saltsak	Beñat Benitez	Urriak 28, martitzena – 17:30-19:30, Gaztelekuan
Ongizate emozionala. Oinarrizko ikastaroa	Hariak	Azaroak 14, egubakoitza – 17:30-19:30, Gaztelekuan
TREBA gazteak
Ongizate emozionala. Oinarrizko ikastaroa	Ainhoa Urretagoiena	Azaroak 12, eguaztena – 17:30-20:30, Kulturate (Jokin Zaitegi aretoa)
Ongizate emozionala. Jende aurrean aske komunikatu	Ainhoa Urretagoiena	Azaroak 19, eguaztena – 17:30-20:30, Kulturate (Jokin Zaitegi aretoa)
TREBA gurasoak
Gure emozioak kudeatzen, seme-alaben bidelagun izateko	Miren Ros	Azaroak 10, astelehena – 18:00-19:30, Kulturate (Areto nagusia)

TREBA programari buruzko informazio zabalagoa eta eguneratua eskuragarri dago hemen: https://www.gipuzkoa.eus/eu/web/gazteria/treba/nerabeak