Arrasateko Udalak 2026-2027 ikasturteko kirol eskaintza berria aurkeztu du

2026/09/02
Card image cap
Irailaren 7, 8 eta 9an ate irekien jardunaldiak egingo dira Musakolan eta Uarkapen, ekintzak doan probatzeko aukerarekin. Adin guztietarako ikastaro eskaintza zabala prestatu da: aretoko zein uretako jarduerak Musakolan, eta K-Stretch, hipopresiboak zein eskalada Uarkapen.

Arrasateko Udalak 2026-2027 denboraldirako kirol-ikastaroen eta instalazioen eskaintza berria aurkeztu du, "Jardun zure alde, osasunez!" lelopean. Kirol saileko zinegotziak, Mikel San Miguelek, azaldu duenez, “Udalaren helburua da herritar guztiei aukera zabala eskaintzea modu aktibo eta dibertigarrian kirola egiteko, adin eta maila guztietara egokituz”.

Deskargatu eskuorria hemen.

Eskaintza zabala kiroldegiaren arabera

Jarduerak bi kiroldegi nagusietan banatuko dira, herritar bakoitzaren beharretara egokituz:

  • Musakola Kiroldegia (Aretoko eta uretako jarduerak):
    • Jarduera lasaiak: Pilates, Yoga, Body Balance, kirol egokitua eta K-Stretch.
    • Jarduera aktiboak: Kore Stretching, Total Training, Zumba, Spining, Body Pump, Hit-TRX, Hit30 eta Full Fitness.
    • Gazteei zuzendutako jarduerak: Krosfit gazteak, Zumba gazteak eta Spining gazteak.
    • 60 urtetik gorakoentzako jarduerak: Gimnasia +60 adinekoentzako egokitua.
    • Uretako jarduerak: Aquagym, Matrogym eta Igeriketa Terapeutikoa. Halaber, helduentzako igeriketa ikastaroak (hastapena eta hobekuntza mailak, eta Igeri Training) eta haurrentzako ikastaroak eskaintzen dira (4 urtetik aurrera: Marmoka, Izokina eta Marrazoa; eta haurtxoentzat 4 urte arte: Zapaburuak).
  • Uarkape Kiroldegia:
    • Kirol gune honetan K-Stretch eta Hipopresibo ikastaroak eskainiko dira.
    • Horrez gain, eskalada ikastaroak egongo dira adin guztietarako egokituak: Eskalada txiki (8-10 urte), Eskalada gaztetxo (10-12 urte), Eskalada gazte (12-16 urte) eta Eskalada nagusiak (+16 urte).

Ate irekien jardunaldiak, kirol ikastaroak probatzeko aukera

Arrasateko Udaleko Kirol Sailak ate irekien jardunaldiak antolatuko ditu datorren astelehen, astearte eta asteazkenean, (hilaren 7, 8 eta 9an) herritarrek eskaintzen diren kirol ikastaroak ezagutu eta probatzeko aukera izan dezaten. Ekimenaren bidez, ikastaro batean parte hartu ahal izango dute, ondoren izena eman ala ez erabakitzeko.

Ikastaroren bat probatu nahi dutenek aurrez eman beharko dute izena Musakola kiroldegiko harreran edo 943 25 20 30 telefonoan. Plaza mugatuak direnez, izena eman eta jardunaldira joaterik ez duten pertsonei izen-ematea aldez aurretik bertan behera uzteko deia egiten die Udalak, beste herritar batek parte hartzeko aukera izan dezan.

Astelehena, irailak 7

Pilates 10:30

Eskalada txiki (8-10) / Uarkape 17:30

Eskalada Gazte (12-16) / Uarkape 18:30

HIT-TRX 18:30

Kore-Streching 19:00

 

Asteartea, irailak 8

K-strech /Uarkape: 9:30

Full Fitness 17:00

K-Strech / Uarkape: 17:30

Body Pump 17:30

Eskalada gaztetxo (10-12) / Uarkape 17:30

Eskalada Nagusia (+16) 7 Uarkape: 18:30

Body Balance 19:00

Total training 19:00

 

Asteazkena, irailak 9

Hipopresiboak / Uarkape: 17:15

Pilates: 17:30

Spinning 17:30

K-strech / Uarkape: 18:00

Yoga: 18:30

Zumba 18:30