Albisteak
Abian da partaidetza prozesua Uribe auzoko eta Legarra plazako parkeak berritzeko
Bozketa prozesua abian jarriko da astelehen honetan, martxoaren 7an, eta zabalik egongo da martxoaren 20ra arte.
Obenerreka frontoian kokatuko den Parkour Parkea eraikitzeko lanak apirilean hasiko dira
Obraren aurrekontua 217.994,41 eurokoa da, BEZa barne. Lanek 4 hilabete irautea aurreikusten da. Udalaren helburua da urteko bigarren seihilekoan Parkour parke berria zabalik izatea.
Egitarau oparoa Arrasaten, ardatz hartuta ‘Martxoaren 8a’ Emakumeen Nazioarteko Eguna, jendarte parekidea sustatzen jarraitzeko.
• Arrasateko Emakume Txokoak eta herriko eragileek ezagutzera eman dituzte lankidetzan antolatutako hainbat ekintza.
Uribarriko ibilgailuen garbitokian ur kontsumoak beherantz jarraitzen du bigarren urtez erreskadan
2020az geroztik, Arrasaten erroldatutako pertsonek bakarrik erabili dezakete garbitokia
Kurtzetxikik (Larragainen) 100 abelburu hartuko ditu 2022an
• 2022an, Arrasateko 7 abeltzainek izango dute euren ganadua Larragainen, 2021ean bezala: 29 behi eta behor, eta 65 ardiko artaldea ibiliko dira bertako larrean.
Arrasateko Udala Garibai etorbidean Eguneko Zentroa eraikitzen hasiko da otsailaren 28an
Lanak egingo ditu Goitu Eraikuntzak SL enpresak, lehiaketa publikoan emaitzarik onena lortuta. 474.448,53 euroko aurrekontua izango du, eta aurreikusten da lanek 6 hilabete eta erdi irautea.
Martxoaren 8ko esku orriaren irudia: June Baonza Pagaldairen ‘Feminismoa etxe’ lana
10 lan aurkeztu dira guztira, Emakume Txokoaren iritziz “ikuspegi propioa eta kalitatezkoa erakutsi dutenak”.
Arrasateko Udalak 40 haurren parte hartzea lagundu du Eskola Kirolean dirulaguntza bidez
Udalak 3.978 euro bideratu ditu 32 familiari laguntzeko. Laguntza da Leintz Eskola Kiroleko matrikularen % 90 ordaintzea.
‘Haurrak, nerabeak eta hezkidetza. Nola landu etxean?’ gurasoentzako hitzaldia martxoaren 2an Kulturaten
Hitzaldi sorta honen helburua da gurasoekin hausnartzea seme-alaben heziketaren inguruan, eta gurasoei hainbat gune eskaintzea egunero sortzen zaizkien kezkak eta zailtasunak partekatzeko.
Arrasateko Udalak ospitalearen eta autobus geltokiaren alboko behin-behineko aparkalekua txukunduko du datorren astean
Zorua drainatuko da putzurik ez sortzeko eta hartxintxar geruza batez zolatuko da.
Santa Teresa-Agerreko igogailuak eraikitzeko lanak apirilean hasiko dira 2,2 milioi euroko inbertsioarekin
Udalak aurkeztutako hiru aukeren artean, herritarrek aukeratu zuten Elkano, Galizia eta Santa Teresa kaleetako 3 igogailu eta 4 pasabide hartzen dituen proiektua
Emakume Txokoak 2022ko egitarauari ekingo dio otsailaren 18an Celeste Agüeroren ‘La encendida’ musika emanaldiaren bidez, 19:00etan
Emanaldi poetiko-musikala da, Euskal Herriko eta Latinoamerikako erritmoak, doinuak eta berbak batzen dituena.
Hitzaldia otsailaren 23an, Arrasaten, mugikorraren, sare sozialen eta bideo jokoen erabilerari buruz
Kulturaten izango da, Jokin Zaitegi gelan, 17:30ean, 12-18 urte bitarteko seme-alabak dituzten gurasoei zuzenduta
Arrasateko Udaltzaingoak 4.295 esku hartze egin zituen 2021ean, horietatik 1.037 azken hiruhilekoan
Esku hartze gehienak administratiboak izan dira, 510 guztira; 144 segurtasunekoak; 255 trafikokoak; eta 107 ingurumen gaiei lotuak.
Arrasateko Udalak ekimen bat abiarazi du bertako enpresen egoera aztertzeko, aurreikusten duten enplegu aukerei dagokienez.
Azterlana egingo da 2022ko lehen lau-hiruhilekoan egingo da, eta horren bidez diagnostiko orientagarri bat lortu gura da, udaleko enplegu politika aktiboak tokiko eta uneko errealitate sozioekonomikoarekin lerrokatzeko, enpresek eurek emandako informaziotik abiatuta.
‘Lezetxiki, Neardentalen lurraldea’ erakusketa ezagutzeko, bisita gidatuak, hitzaldiak eta erakustaldiak antolatu dira
Otsail, martxo eta apiril artean, arrasatearrek aukeran izango dituzte 9 bisita gidatu, 3 hitzaldi eta erakustaldi bi.
Arrasateko Udalaren Next Generation funts europarretan milioi 1 euroko eskaera onartu da
Europako funtsak lortu dituen 5 udalerrietako bat da Arrasate, Getxorekin, Hernanirekin, Eibarrekin eta Donostiarekin batera.
Kudeaketa tasa kendu da erabiltzailearentzat kultura ikuskizunetarako online sarrerak erostean
Kudeaketa tasa udalak hartuko du bere gain.
Hainbat hitzaldi eta tailer Arrasaten seme-alaben heziketari buruz
Hitzaldietan eta tailerretan izena emateko, BAZen, 943 25 20 00 telefonoan edo webgunean.
Arrasateko Kirol Zerbitzuak ate irekien saio batzuk antolatu ditu Hipopresibo eta Matrogym ikastaroen berri emateko
Hipopresiboen ikastaroa otsailaren 1ean eta 3an probatu ahal izango da Uarkapen, eta Matrogym urtarrilaren 31n eta otsailaren 2an Musakolan.
Arrasateko Udalak udaltzain erretirodunak omendu ditu
Udalak polizia kidegoan zerbitzua amaitu duten agenteen “lana eta konpromisoa” nabarmendu ditu, baita urteotan egindako lan guztia ere.
Arrasateko Emakume Txokoak 2022ko lehen seihilekoaren programazioa aurkeztu du
Emakume Txokoak plangintza nagusi bi lantzen jarraituko du, emakumeen ahalduntzerako, berdintasunean eragiteko eta eraldaketa feminista sustatzeko ahaleginean: Jabetze Eskola, eta egitarau orokorra. Guztira 29 ekintza programatu dira.
Abian da “Zaborra gehiegi, kalte larregi” kanpaina
Debagoieneko Mankomunitatearekin batera, Udalako Ingurumen Eskolak kanpaina bat abiatu du Debagoieneko ikastetxeetan, Lehen Hezkuntzako eta Derrigorrezko Bigarren Hezkuntzako ikasleekin egiteko.
Arrasateko Udalak bisita gidatu berriak antolatu ditu otsailaren 3tik 6ra arte Kulturola ezagutzeko
Kulturola ezagutzeko, herritarrentzako bisita gidatuak arrakastatsuak izan dira: guztira 350 herritarrek bisitatu dute herriko kultura, euskara eta sormenaren sorkuntza gune berria, urtarrilaren 17tik 23ra antolatutako 14 saioetan.
Udalak 19 langabe kontratatu ditu 2021/22 Enplegua Sustatzeko Planaren barruan
19 kontratuetatik 2 kontratu dira 30 urtetik beherakoentzat, eta gainerako 17 kontratuak, oro har, langabeentzat. 17 horietatik, 6 kontratu kaleko laguntza brigadari dagozkio, 4 kontratu natura guneak mantentzeko brigadari, 3 kontratu lorezaintza indartzeko brigadari eta 4 kontratu eraikinak garbitzeko errefortzu brigadari.
Herritar talde batek 2021/22ko partaidetzazko aurrekontuen bozketa fasera pasatuko diren 20 proposamenak lehenetsiko ditu
Leheneste taldeak bilera bi egingo ditu: urtarrilaren 25ean eta otsailaren 2an.
“Herritarrekin elkarlana ezinbesteko balioa da Gipuzkoaren etorkizuna guztion artean eraikitzeko”
Diputatu nagusiak eta Arrasateko alkateak bilera egin dute herriko egitasmo nagusiak partekatzea helburu; herriz herriko bilerei ekin die horrela Markel Olanok, tokian tokiko ekarpenak aztertu asmoz
Gurasoentzako tailerra
Arrasateko Udaleko Gizarte Zerbitzuek gurasoentzako tailer bat antolatu dute, seme-alaben heziketan zailtasunak dituzten familiei zuzenduta
Arrasateko Udaleko Berdintasun sailak martxan jarri du ‘Martxoak 8’ko XXV. Kartel Lehiaketa
Aurtengo edizioaren goiburua da: “Feminismoa denon kontua da”
Udaltzaingoko hiru agente plaza betetzeko hautaketa prozesu bateratua
Arrasateko Udalak hautaketa prozesu bat egingo du, beste udal batzuekin batera, Polizia Akademiaren koordinazio eta ardurapean, une honetan pertsonal plantilan hutsik dauden 3 agente plaza modu finkoan betetzeko