Albisteak
Iturripe berria eraikitzeko atzera kontaketa hasi da.
Udalbatzak oniritzia eman dio Iturripeko proiektua exekutatzeko pleguei, eta lehiaketara aterako da kiroldegi eta hiri-parke berria eraikitzeko obrak. Iturripeko lurrak Gizabidea Fundazioarenak dira gaur gaurkoz, eta hauek Udalak eskuratzea ere onartu du Osoko Bilkurak, permuta baten bitartez. Gaur egun Iturripe kanpoaldean dagoen kirol espazioak herrian zehar berreskuratzeko plana amaitzen ari da Udala: “erabilera gutxiko plaza eta espazioak berreskuratzea nahi ditugu herrian zehar kirol ezberdinak egiteko”.
Udalak gogor salatu ditu azkenaldiko zerbitzuen kalteak, eta jarrera zibikorako deia egin du: “Udal zerbitzuak guztionak dira, eta gehien behar dutenak dira kaltetuenak”
Pasa den astean apurtu zuten Ferixalekua eta Altamira konektatzen duen igogailua, eta konponketa lanak azkartu ditu Udalak. Dagoeneko konpontze lanetan ari dira, eta datozen egunetan erabilgarri egotea espero du Udalak. Azkenaldian izan diren bestelako kalte ekintzak ere gogor salatu ditu Udalak: institutuko gimnasioaren erreketa, Makatzenako haur parkearen erreketa, edukiontzien erreketak, TAOren makinek Santamasetan jasan zituzten kalteak, edota 2024ko gabon zaharretan Uarkape pilotalekuan Txikilandiako kalte ekintzak.
Etxean langileak kontratatzen dituzten pertsonentzat lan-arriskuen prebentzioari buruzko hitzaldia antolatu du Arrasateko Udalak, ZainSare proiektuaren bitartez
Martxoaren 18an, asteartea, 12:30etik 14:00etara egingo da, Grupo SSIren bulegoetan (Iturriotz kalea 21). Programa honen helburua zaintza-lanak balioan jartzea da, baita zaintzako langileak zaindu eta babesa ematea ere.
Zirkulazio Ordenantza berria izango du Arrasatek, mugikortasun seguru eta jasangarriago baten alde
Helburua da herriko bideak segurtasunez partekatzea, erabiltzaile guztien arteko bizikidetza hobetuz. Berritasun nabarmenena Mugikortasun Pertsonaleko Ibilgailuen arautzea da, hain zuzen, patinete elektrikoak. Gutxieneko adina 16 urte izango da, eta gehienezko abiadura 25 km/h. Udalak aurreikusten du iraila eta urria artean sartuko dela indarrean, eta, ordurako, sozializazio eta kontzientziazio kanpaina bat jarriko du martxan, iraileko Mugikortasun Astearekin batera.
Arrasateko Udalak TAO sistema eguneratzeko parte hartze prozesua abiatu du
Aurretiazko kontsulta publikoa ireki du Udalak, eta, interesa duten herritar, erakunde eta elkarteek beren ekarpenak aurkeztu ahal izango dituzte gaur hasi eta 2026ko apirilaren 13ra arte: BAZen edo Udaleko webgunean.
Etxezarreta parkeko lorategia berreskuratzeko obrak hasi ditu Arrasateko Udalak
Balio handiko lorategi botanikoa berreskuratuko da, herritarrek erabiltzeko, aisialdirako naturgune berri bat sortuz. Lanek 10-12 asteko iraupena izatea aurreikusten du Udalak.
Martxoak 8- Emakumeen Nazioarteko Egunaren adierazpen instituzionala
Udalbatzan ordezkaritza duten alderdi guztiek adostasunez egiten duten adierazpen instituzionala.
Amaitu dituzte Altamira auzoko Jose Luis Iñarra kalea berrurbanizatzeko lanak, azken lorezaintza lanak burututa
Lan nagusienak udazkenean amaitu baziren ere, azken erremateak egiten aritu dira hilabete hauetan. Altamira auzoa atseginago eta irisgarriago bihurtzeko lanak izan dira burutu direnak. Auzoen bizi-kalitatea hobetzeko beste proiektu batzuk ere martxan daude: Santa Teresa, Grupo Sanjuan, San Andres auzoko Araba etorbidearen berrurbanizazioa edota Gorostiza auzoko igogailuak.
Hirigintza genero-ikuspegitik aztertzeko prozesuaren emaitzak aurkeztuko ditu Udalak saio ireki batean
Saioa martxoaren 11n (asteazkena), 18:30ean, izango da, Kulturateko Loramendi gelan. Helburua da emaitzak herritarrei aurkeztea eta proposamena guztion artean baliostea.
Arrasatek emakumezkoen eskuzko bi final hartuko ditu 2026ko EHko Ezker Paretako Kluben arteko txapelketan
Asteburu honetan jokatuko dira 2026ko Euskal Herriko Ezker Paretako Kluben arteko Txapelketako finalak, kluben egutegiko hitzordu garrantzitsuenetako bat. Testuinguru horretan, Arrasatek jardunaldi berezia hartuko du, izan ere, Uarkape pilotalekuan Emakumezkoen Eskuzko bi final antolatuko dira martxoaren 7an (larunbata), 10:30etik aurrera.
Emakume Txokoak, egitarau zabala eta eragile ezberdinekin modu koordinatuan antolatu du aurtengo martxoak 8ko egitaraua, “atzera pausurik ez” lemapean
Joana Manzisidor Akizu artista eta sortzaile arrasatearrak egin du kartela.
Berdeguneak hobetzeko esku-hartzeak
Animalientzat babeslekuak eta zuhaitzen izenak jarri dira herrian zehar
Arrasate Udalatx Mendi Lasterketak bere X. edizioa ospatuko du zapatu honetan
Segurtasuna bermatu eta Udalan kotxe pilaketak ekiditeko, errepidea itxiko da 7:30etik 13:30era, eta autobus zerbitzu berezia jarriko du Arrasateko Udalak. Soilik bizilagunek, antolakuntzako kideek edota larrialdi-zerbitzuek igaro ahal izango dute.
Aisialdi eta kirol programetan haurren parte hartzea sustatzeko 40.000 euroko dirulaguntza partida bideratuko du Udalak, iaz baino 10.000 € gehiago
Muga ekonomikoak gainditu nahi ditu Udalak, eta bazterketa ekonomikoa ekidin. Azken bi urteetan 20.000 eurotan igo da diru laguntza partida hau.
Arrasateko Udalak 16 langabe arrasatear eta 2 taldeburu kontratatuko ditu enplegu-formakuntza programen bidez
Egitekoen artean izango dituzte Udalaren ardurapeko natur-espazio eta natur bideen mantentze lanak egitea eta Udalaren kirol instalazioetan egokitzapen lanak egitea, batez ere igeltserotza eta pintura lanak. Izena emateko epea: 2026ko otsailaren 23tik martxoaren 2ra (biak barne).
Han Kang Nobel saridunaren “Bakazkijalea” eleberria argitaratu dute euskaraz, Jokin Zaitegi bekari esker
Lana Gema L. Las Herasek itzuli du 2025eko Jokin Zaitegi bekari esker. Lana Elkar argitaletxea-k plazaratu du, AED elkartea-ren, Arrasateko Udala-ren eta Laboral Kutxa-ren laguntzarekin.
Arrasateko musika eszena balioan jartzeko kanta bildumen proiektua aurkeztu dute Udalak eta Hamarratzek: ‘Oihu bat, mila ahots’
25 talde edo bakarlarik parte hartu ahal izango dute, eta izen emateak Hamarratz Musika Gunean egin beharko dira 2026ko otsailaren 23tik apirilaren 1era.
Udalak eta ZainSarek dementzia duten pertsonentzako arretari buruzko formakuntza antolatu du Arrasaten
Formazioa otsailak 21 eta 28, eta Martxoak 7 izango da.
Asfaltatze lanak hasi dira gaur Aragoa kalean
Gaur, asteazkena, hasi dira asfaltatze lanak Aragoa kalean, zehazki 4-6 zenbakien aldeko eremuan. Lanek 3-4 eguneko iraupena izango dute, eguraldiak laguntzen badu, kalearen zati hori asfaltatzeko.
FLL Euskadiren finala Mondragon Unibertsitatean: 800 gazte baino gehiago elkartuko dira Arrasaten eta Bilbon
Innobasquek antolatutako txapelketa otsailaren 28an jokatuko da. Mondragon Unibertsitateak bi egoitza izango ditu aurten: Arrasateko ohikoa eta, lehen aldiz, Bilbao As Fabrik. Guztira 800 parte-hartzaile inguru espero dira: 500 Arrasaten eta 300 Bilboko egoitza berrian. Arrasateko Iturripe kiroldegiak itxura berritu aurretik hartuko duen azken ekitaldi handia izango da hau.
Larunbat honetan, otsailaren 21ean, bertako produktuen azoka ospatuko da, postu berri baten parte-hartzearekin
Ohikoa den bezala, bertako produktuekin osatutako otarra zozketatuko da azokara hurbiltzen diren herritarren artean.
Bakardadearekin lotutako esperientziak ezagutzeko solasaldia otsailaren 23an Kulturaten: Nola abordatu bakardadea Debagoienetik?
Debagoiena Ehuntzen proiektu pilotuak bere bidea egiten jarraitzen du, Debagoienean bakardadeari heltzeko helburuarekin. Zentzun horretan, beste herrietako esperientziak ezagutu eta eredu hartu nahi ditu.
Uarkapek Binakako Serie A-ko play off-aren azken jardunaldia hartuko du otsailaren 22an
Datorren otsailaren 22an, Arrasateko Uarkape pilotalekua lehen mailako esku pilota jaialdi garrantzitsu baten agertoki izango da beste behin ere. Hain zuzen, Binakako Serie A-ko play off-aren azken jardunaldia jokatuko da bertan, txapelketako une erabakigarrian.
“Isiltasunetik” dokumentalaren emanaldia eta solasaldia Amaia Udal Antzokian
Otsailaren 19an, eguena, izango da emanaldia, eta, ondoren, solasaldia izango da dokumentaleko protagonistetako batekin, zeinu-hizkuntzako interpretearekin eta zuzendariarekin.
Otalora Lizentziatua kaleko zebrabide argiztatua konponduko dute bihar, eta, ondorioz, trafikoan eragina izango du.
Konponketa lanek oinezkoen eta herritarren segurtasuna bermatzeko egingo dira.
Asfaltatze lanen bigarren fasea hasiko da Arteagara doan bidean
Garagartza auzoko landa bideak asfaltatzen jarraituko du Udalak fase honetan ere.
Musakolako zuhaitza kenduko da gaur, tamaina handiak ondoko etxebizitzari kalte egitea ekiditeko
Musakolan kokatutako zuhaitz bat kentzea erabaki da, azken urteotan hartu duen tamainagatik ondoko etxebizitzan kalteak eragiten ari baita. Erabakia dagokion txosten teknikoan oinarrituta hartu da.
Asfaltatze Planean jasotako lanak hasiko ditu bihar Udalak: Garagartzan, Munarren, Bizkaia etorbidean eta Obenerreka kalean
Lehen fasean, Garagartza–Atxabalpeko oinezko bidea asfaltatuko da, eta ondoren burutuko dira Garagartza auzoko hainbat errepide eta Munar auzoan kokatuta dagoen Aragoa kalea. Lan hauek burutzearekin batera, Bizkaia etorbideko eta Obenerreka kaleko errepidearen konponketak eta bide seinalizazioak berrituko dira. Arrasateko Udalak 2 milioi euro inbertituko ditu 10 urtetan herriko errepideak konpondu eta berritzen, 2024-2034 Asfaltatze Planak jasotzen duen bezala.
San Andres auzoko Gaztetxokoa eraberritzeko obrak hasi ditu Udalak
Egungo beharretara egokitutako espazio seguruagoa, irisgarriagoa eta erosoagoa izatea nahi du Udalak, nerabeen jarduera egokia bermatuz. Obrak iraun bitartean, behin behineko Gaztetxokoa Etxaluzen egongo da, nerabeen jarduera eten ez dadin.