Albisteak
Ikasleekin Arrasateko ondare naturala ezagutzen eta bere balioa nabarmentzen
Udazkenean ibilaldi batzuk egin ditugu gure inguruko ondare naturalak herritarroi zer zerbitzu eskaintzen digun jakiteko.
Arrasateko Udalak zuzenean dirulaguntzak emango dizkie ostalariei
Ostalariekin eguen arratsaldean, abenduak 10, bilera izan ostean, neurri berriak partekatu ziren: 1.000 eta 1.400 euro artean itxita egondako hilabete bakoitzeko, eta ur, zabor eta terrazen tasen hobarien jarraipena, eta terrazen azaleraren malgutzearen mantentzea 2021ean; baita ere, terrazetan egindako inbertsioetarako laguntzak.
Bizipenen (H)arigunea eta Euskaraldiaren bukaera ekitaldia
Euskaraldiaren bigarren edizio hau amaitzear da eta merezi duen bukaera emango diogu Arrasaten. Eguenean hainbat bizipen jasoko ditugu, gure herrikideek izan dituztenak Bizipenen (H)arigunean Euskaraldiaren barruan, euskarari lotuak. Egubakoitzean, bukaera ekitaldia egingo dugu Kulturateko klaustroan.
Arrasateko Udalak 56.500 euro bideratu du 2020an Garapenerako Gobernuz Kanpoko Erakundeentzat
11 elkartek egin dute eskaera. Dirulaguntza hauen xedea da gobernuz kanpo erakundeen lana babestu eta sustatzea, garabidean lankidetza programak antolatu eta lortzeko, garatzeko bidean dauden herrialdeetako biztanleen baldintza sozio-ekonomikoak hobetze aldera.
Gabonetako argiak egubakoitzean, abenduak 4, isiotuko dira, eta Santamasetako erakusleiho lehiaketan izena emateko epea zabalik da jada
Lehiaketan parte hartzeko, establezimenduek izena eman beharko dute abenduaren 9a bitarte. Herritarrek bozka emateko epea: abenduaren 10etik 18ra arte. Berrikuntzekin dator: 4. sari bat emango da, eta “haur eta gazte”en saria sortu da.
‘Yo, la peor del mundo' musikala abenduaren 5ean Amaia Antzokian
Arratsaldean, 19:00etan, eta sarrerak eskuragarri daude www.arrasate.eus webgunean.
Udalak 2 langabe kontratatuko ditu
Lanbideren Enplegua Sustatzeko Programan
Arrasateko Udalak abian jarriko du 3. bus linea azkarra, Arruena, Arimazubi eta San Andres lotuko dituena, garraio publikoaren erabilera bultzatzeko
Horrez gain, prezioak merkatuko dira % 30 linea guztietan: MUGI txartelaz ordainduz gero, bidaia arruntak pasatuko dira 0,96 euroko prezioa izatetik 0,70 eurokoa izatera
Abian da berriro sexologia zerbitzua
Jendaurreko arretaz gain, programazio zabala prestatu da zerbitzua bera herritarrei helarazteko eta informazioa elkarbanatzeko: lehen ekitaldia abenduaren 4an izango da, GIBaren aurkako Nazioarteko Egunaren harira
Arrasateko Udaleko Emakume Txokoa zerbitzuak egitarau berezia antolatu du Indarkeria Matxistaren Aurkako egunaren harira
Arrasateko Udalak EUDEL Euskal Udalen Elkarteak adostutako Azaroak 25eko adierazpen instituzionalarekin bat egin du.
Villa Amparo inguruan eraikiko den ur parkearen gunean hasi dira Ekobulebar berriaren obrak
Eremuaren antolaketa lanak burutzen dihardute langileek: edukiontzi guneen aldaketak, zoladuraren markaketa… Hainbat zuhaitz ere moztuko dira, proiektuak landarediaren berrordenazio bat planteatzen baitu, haur eta gaztetxoen segurtasuna bermatze aldera parke berrian.
Udalak gazte langabe 1 kontratatuko du
Lanbidek eta Europako Gizarte Funtsak, Gazte Enpleguko 2014-2020 Programa Operatiboaren esparruan gazte langabeak kontratatzeko deialdi hau finantziatuko dute
Hasi da Euskaraldiaren bigarren edizioa
Herrian 155 entitatek eman dute izena eta 500 arigune inguru sortu dira. Udalean 36 arigune identifikatu dira, Udalbatza bera ere tartean
Arrasateko Udalak diruz lagunduko ditu ostalariek terrazetan egindako inbertsioak
2020ko martxoaren 14tik abenduaren 31ra bitartean egindako material erosketak edo inbertsioak lagunduko ditu (toldoak, itzalkinak, jaimak, manparak, altzariak, berogailuak…). Enpresa edo jarduera bakoitza finantzatuko da gehienez % 25, 2.000 euroko mugarekin.
Arrasateko Emakume Txokoak egitarau berezia antolatu du Indarkeria Matxistaren Aurkako egunaren harira
“Bakartzen gaituzten biolentzien aurrean, josi ditzagun sareak!” lelopean, Arrasateko mugimendu feministak hainbat ekimen antolatu ditu udalaren laguntzaz: kontzentrazioa, dokumentala...
Arrasateko Udalak 13 eta 40 urte bitarteko herritarrei eskatzen die PCR proba egin dezatela, bat eginez Osakidetzak eta Osasun sailak egindako deialdiarekin
PCR probak egiteko egitura egongo da Debagoieneko ospitaleko kanpo kontsulten eraikinaren beheko solairuan. Hitzordua hartu behar da aurrez 943 03 52 50 telefonora deituta.
Hitzaldi bat gurasoentzat: “Sare sozialen eta bideo jokoen erabilera onuragarria”
Udaleko Prebentzio zerbitzuak, 6-12 urte bitarteko haurren gurasoei zuzenduta, hitzaldi bat antolatu du sare sozialen eta bideo jokoen erabileraren inguruan hausnartzeko.
Datorren astelehenean, azaroak 16, Musakolako kiroldegian igerilekuko kristalera konpontzen hasiko dira
Igerilekua itxita egon den denboran erabiltzaileei eragindako kaltea arintze aldera, udalak epealdi horretako bonuaren zati proportzionala itzuliko die erabiltzaileei.
Arrasateko Udalak ez die kobratuko ur eta zabor tasa herriko ostalariei
Covid-19ak eragindako positibo kopuruak gora egin du azken asteetan, eta birusaren eragina mugatzeko neurriek zuzenean eragiten die merkatari, ostalari eta zerbitzuei. Covid-19aren kasuen gorakada dela eta, Eusko Jaurlaritzak azaroaren 6ko 38/2020 Dekretua eman du, zeinak ostalaritza establezimenduen itxiera ezartzen duen 30 egunez.
Udalak 2 gazte langabe kontratatuko ditu
Lanbidek eta Europako Gizarte Funtsak, Gazte Enpleguko 2014-2020 Programa Operatiboaren esparruan gazte langabeak kontratatzeko deialdi hau finantziatuko dute
Herritarren proposamenak aztergai Alde Zaharreko Hirigintza Plana aldatzeko
Herritarren, teknikarien eta eragileen artean proposamenak jaso ondoren, Hirigintza Aholku Kontseilua, herritarrez osaturik dagoena, 24 proposamen aztertzen ari da, txertatu gura direnak hirigintza planean.
Udalak 15 langabe kontratatuko ditu
Lanbideren Enplegua Sustatzeko Programaren barruan
Arrasaten azaroko kultura eskaintzan zinea, kontzertuak, haur antzerkia eta musikal bat, Covid-19a dela-eta ordutegi eta neurri bereziekin
Covid-19aren osasun krisiagatik, eta Eusko Jaurlaritzak azaroaren 6an argitaratutako 38/2020 Dekretuan zehaztutakoa jarraituz, neurri bereziak hartu dira, tartean ordutegiak egokitu dira: astelehen eta martitzeneko zine emanaldiak 19:00etan; asteburuetako azkena 20:00etan, eta haur zinea 16:00etan.
Covid-19ari aurre egiteko neurri berriak direla-eta udalak kirol zerbitzuak egokitu ditu
Musakolako kiroldegiaren itxiera aste barruan 30 minutuz aurreratuko da. Uarkapek ordutegi berbera mantenduko du. Jarduera fisikoa eta kirola bakarka baino ezingo da egin; taldeko edozein kirol jarduera eten egingo da, bai entrenamenduetan, bai lehiaketetan.
Arrasateko Udalak TAO sistema arautuko duen ordenantza onartu du
TAO sistemaren legedia eta dagozkion arau administratiboak onartu dira.
Biteri plazako farolak LED argiteria sistema jasangarrira aldatuko ditu udalak
Guztira 13 argi puntutan egingo da aldaketa. Inbertsioa 6.549,81 eurokoa izango da, eta muntaia lanak udal lantaldeak egingo ditu datozen asteetan.
Udal gobernuak aurrekontu proposamen bat aurkeztu die alderdi politikoei, gizarte babesa bermatzen duena eta inbertsio maila handitzen duena
2021eko proposamenak iazko aurrekontuaren aldean % 2,8ko igoera planteatzen du, guztira 35.800.000 euro, nahiz eta udalaren sarrerak murriztu. Hori konpentsatzeko 3 milioi euroko aurrekontua eskatuko du udalak “herritarren ongizatea bermatu eta herriaren garapena bultzatzeko, inor atzean utzi barik”.
Arrasateko hilerrirako sarbideak edukiera muga izango du Domu Santu egunean
Baimendutako edukiera guztira da 275 pertsonakoa.
Hasi da Eskolako Agenda 2030 proiektua Arrasaten, “egoera berritik iraunkortasunerantz”
Eskolako Agenda 21 proiektua 17 urtean landu eta gero, ikasturte honetan proiektu berri bati ekingo diogu. Proiektu berria da Eskolako Agenda 2030, garapen jasangarria ardatz izango duena. Ikasturte honetarako, Arrasateko ikastetxeek gai hau aukeratu dute: “egoera berritik jasangarritasunerantz”.
Udalak bere horretan mantenduko du San Juan etxe taldeko arkua, Ekobulebarraren proiektuan, auzotarren eskaerari erantzunez
Ekobulebarra eraberritzeko obrak 2021eko urtarrilean hasiko dira, baina San Juan etxe taldeko berrurbanizazioaren zatia ez da gauzatuko egin beharreko aldaketak egin arte, bizilagunekin urriaren 20an izandako bileran geratu bezala.