Albisteak
Uztailaren 18an Txakolin eguna antolatu da Arrasaten, baserritarren azoka bereziaren barruan
Uztailaren 18an Txakolin eguna antolatu da Arrasaten, baserriko produktuen azoka bereziarekin batera. Aukera izango da txakolina dastatu eta erosteko, eta pintxoak ere egongo dira.
Donostiako Apezpikuari eskatuko diogu San Isidroko ermita Musakolako auzoari eta Arrasateko herriari dohaintzan ematea
Musakola auzoan dagoen San Isidro ermitaren inguruan argitaraturiko informazio okerren ondotik, Arrasateko Udalak honakoa jakinarazi nahi du
Hauteskundeetan bozkatzeko sei hautesleu egongo dira Arrasaten
Igandeko hauteskundeetarako sei bozketa puntu egongo dira Arrasaten: Kulturate (Ferixaleku ordez), Etxaluze, Jokin Zaitegi, Institutua, Toki Argi eta Erguin.
Arrasaten bizikidetza positiboa bultzatzeko, birtualki egingo da aurten “Munduko Arrozak” ekimena uztailaren 22an
Herritarren arteko elkarbizitza positiboa sustatzea du helburu Munduko Arrozak ekimenak, Arrasateko kultur aniztasuna balioan jartzeko eta herriko kultura desberdinak ikustarazteko, betiere elkarrekiko erlazioak indartuz eta integrazioa normaltasunez sustatuz.
Arrasateko Udalak astelehenean, uztailak 6, irekiko du Santa Barbarako ur parkea
Edukiera gehienez 75 haurrekoa izango da, eta sorosle bat egongo da neurriak betetzen direla ziurtatzeko
Arrasateko ‘Txikiak egiten gaitu Haundi’ kanpainaren 7.062 bono saldu dira herriko saltokietan dagoeneko 211.860 euroko erosketa aukera sortuz
Udalak, jada, 85.500 euroko ordainketak burutu dizkie merkatariei eta jadanik 77 saltoki ezberdinetan erabili dira bonoak
Herrian langabezian dauden pertsonen kontratazioa eta enpresen sorrera sustatzea, Arrasateko enplegu-planaren helburuak
Emakumezkoek lanari dagokionez gure gizartean pairatzen duten arrakalari aurre egitea irizpidea izanik, Arrasateko Udalak emakumeen kontratazioa sustatu nahi du.
Hemen da Udaixe!
Udaleko Gazteria sailak egitarau berezia antolatu du 12-17 urteko gazteentzat uztailerako.
Sei kontzertu, antzerkia, dantza eta zirkoa ekarriko ditu Arrasatera Udazabal ekimenak uztailaren 3tik 30era
11 kultura emanaldi egongo dira uztailaren 3tik 30era Arrasaten, Udazabal programaren eskutik: sei kontzertu, zirkoa, dantza, antzerkia etab.
Uztailaren 1ean zabalduko du Arrasateko Udalak Musakola kiroldegiko estali-gabeko igerilekua
Covid-19a saihesteko sarrera-irteeren segurtasun-kontrola eramate aldera, neurri garrantzitsu izango da abonoa dutenek soilik egin ahal izango dutela erabilera. Ez da beraz, eguneko sarrerarik salduko.
Arrasateko udako kirol ikastaroetan izena emateko epea zabalik
Spinning, pilates, k-stretch, zunba eta nordic walking egiteko udako ikastaroetan izena emateko epea ireki da. Ikastaroak uztailaren 3tik 30era izango dira eta plazak mugatuak dira.
San Juan jaietan ekintza sinboliko bakarra egingo da
Covid-19ak eragindako egoera dela eta San Juan jaiak ezingo dira normaltasunez ospatu. Hori horrela, ekintza sinboliko bakarra egongo da jaietan parte hartze duten eragile guztien elkarlana islatuko duena.
Emakume Txokoak ekimen bat abiarazi du Arrasateko emakumeen ahotsak entzuteko, Covid-19a dela-eta bizi izandako esperientziak jasotzeko
Emakume Txokoak jaso gura ditu emakumeen bizipenak, kezkak, ardurak eta koronabirusak azaleratutako egoerak. Horretarako, herriko emakumeei, formatu librean, eskatzen die haien ekarpena egiteko.
Bihartik aurrera ikasi eta irakurri ahal izango da Arrasateko udal bibliotekan, eta ordenagailuen zerbitzua ere eskainiko da
Maileguak eta itzulketak orain arte bezala egin ahal izango dira, eta bihartik aurrera 30 leku egongo dira bibliotekan irakurri eta ikasteko, eta 7 postu ordenagailuak erabiltzeko, gehienez ordubeteko saioetan.
Arrasate ezagutzeko eta bertako turismoa sustatzeko, Arrasateko Udalak bisita gidatuak eskainiko ditu Debagoieneko Mankomunitatearekin elkarlanean
Arrasateko ondarea balioan jartzeko bisita gidatuetan parte hartzeko, aurrez izena eman beharko da arrasate.eus/ezagutu webgunean
15 posturekin itzuliko da Arrasateko baserritar azoka ekainaren 20an
Hiru hilabeteren ondoren berriro ospatuko da Arrasateko baserritar azoka ekainaren 20an eta 15 postu egongo dira gehienez, segurtasuna bermatzeko.
Trafiko aldaketak Arrasateko zabalgunean Garibai, Biteri, Gipuzkoa, Deba eta Etxetxikiak kaleen egokitzapenagatik deseskalatze egoera berrira
Kaleotan, Koronabirusaren ondoriozko konfinamendua arindu eta herritarren segurtasuna bermatze aldera, oinezkoentzako espazio berriak mugatzeko lanak egin ziren oinezkoentzako bilakatuz behin-behinekoz.
21 ur joko izango ditu Santa Barbarako ur parkeak eta uztailean zabaltzea da aurreikuspena, egoerak ahalbidetzen badu
Ur parkea gaztetxo guztiek erabili ahal dezaten, gurpil-aulkiekin bertara iritsi ahal izango da. Ur jokoen gunea eta bertako hiri-altzariak ere desgaitasunak dituzten pertsonetara egokituta daude.
Udalak irailera arte ez du TAO zerbitzua berrabiaraziko
Gaur egun Uribarri etorbidean, Uribe kalean, Loramendi kalean eta Arimazubi plaza inguruan dago TAO sistema. Covid 19aren pandemiaren ondoriozko Alarma Egoera ezarri zenetik bertan behera utzi zen zerbitzua.
Arrasateko Udalak eta bertako Nagusien Kontseiluak jubilatu eta pentsiodunentzako gida informatiboa sortu dute
Pertsona nagusiei eta pentsiodunei zuzendutako zerbitzuen inguruko informazio interesgarria zabaltzeko sortu da gida, eta BAZen eta jubilatuen etxeetan egongo da eskuragarri. Arrasateko Udalaren eta Nagusien Kontseiluak elkarlanaren fruitua da gida
Musakolako Kiroldegiko hainbat gune irekiko ditu Arrasateko Udalak ekainaren 15etik aurrera
Ekainaren 15ean irekiko dira kiroldegiaren alde lehorreko instalazio batzuk eta uztailaren lehen astean zabalduko da kanpoko igerilekua. Segurtasun eta higiene neurri guztiak bermatzeko lanean dihardu Udalak.
Ohiko esku-hartze kopurua bikoiztu du Arrasateko Udaltzaingoak hiru-hileko honetan Covid-19aren pandemia medio
Konfinamendua erabat betetzeko kontrolak eta dispositiboak areagotu egin dira Alarma Egoeran: 2.217 pertsona identifikatu dira; atxilotuak 3 izan dira. Gelditu diren ibilgailuak 5.254. 212 santzio proposamen gauzatu dira.
Sorosleen lan poltsa sortuko du Udalak
Arrasateko Udalak Sorosleen lan poltsa sortzeko oinarriak onartu ditu.
Astelehenean zabalduko da Udalaren Gizarte Zerbitzuen bulegoa aurrez hitzordua eskatuz
Arrasateko Gizarte Zerbitzuen bulegoa berriz ere irekiko da ekainaren 1etik aurrera, hasieran administrazio tramiteetarako soilik. Alarma egoeraren ondorioz, Udalak telefono bidez eskaini du arreta martxoaren 16tik honaino eta astelehenetik aurrera hasiko dira berriz aurrez-aurreko zerbitzua ematen, segurtasun baldintzen baitan.
Astelehenean ekingo dio berriro bere jarduerari Arrasateko Udal Bibliotekak
Arrasateko Udal Biblioteka berriz ere irekiko da ekainaren 1etik aurrera, hasiera batean maileguak eta itzulketak egiteko soilik. Ahal bezain laster, egoerak onartzen duenean, eskainiko ditu gainerako zerbitzuak
Arrasateko Udalak ‘Txikiak egiten gaitu Haundi’ kanpainaren baitan, 450.000 euroko eragin zuzena izango duten 15.000 bono jaulki ditu bertako kontsumoa suspertzeko
Herritarrak 10€ ordainduta 30 euroko balioa eskuratuko du; Arrasateko Udalak finantzatuko ditu gainerako 20 euroak. Arrasateko familia bakoitzak bono bat edo bi izango ditu erreserbatuta, familia unitateko kideen arabera.
Arrasateko erretiratuen etxeetako tabernak eta terrazak eta Abaroako etxeko Etxaluze ile-apaindegia irekitzeko baimena eman du Udalak
Etxaluze egoitzako taberna eta ile-apaindegia gaur, maiatzak 27, zabaltzen da. Musakolakoa ere. Toki Argi eta Erguineko zahar egoitzetako tabernak epe laburrean zabalduko dute.
udaberriko ostegunERO, azken emanaldia
Maiatzaren 28an 'udaberriko ostegunERO' zikloa amaitzeko, programazio berezia prestatu dugu Arrasateko bibliotekan. Debagoieneko 5 ipuin kontalari izango ditugu, 10-15 minutuko ipuin saioak eskaintzen online, haur eta helduentzat. Kolaborazio bati esker, saioetako bat zeinu hizkuntzan ere egongo da.
Arrasateko Udalak 760.600 euro bideratuko ditu 2020ko dirulaguntzetan herriko ekimenak babestu eta sustatzeko
Dirulaguntza lerro hauek herriko elkarte eta norbanakoei zuzenduak daude, 270 eragile, kultura elkarteak, kirol elkarteak, gazteak, euskara bultzatzen duten elkarteak, ingurumena bultzatzen duten elkarteak, euskara ikasi nahi duten norbanakoak, berdintasun arloan lan egiten duten elkarteak, guraso elkarteak, ikastetxeak…
Arrasatek bertan behera utziko ditu gaur arte ezagutu ditugun San Juan jaiak
Arrasateko Udalak, udal talde politiko guztien onespenarekin (EAJ, EH BILDU, PSEE Elkarrekin Arrasate) eta Kultura Batzordearen proposamenez, ekainaren 23tik ekainaren 26ra ospatzea aurreikusia zeuden San Juan jaiak bertan behera uztea erabaki du; hala ere, jaiak irudikatzeko ekintza sinbolikoren bat egitea ez da baztertu.